Aire zabaleko anfiteatroa atonduko dute Landarten

E.H. 2026ko ekainaren 4a
Deskargatu Info Ahotsak :

Mireia Elkoroiribe alkatea eta Iker Txertudi zinegotzia. DURANGOKO UDALA

Formatu txikiko antzerkiak, kontzertuak eta proiekzioak antolatzeko eremua izatea gura du udalak. Era berean, berdegune bat ipiniko dute. 

Durangoko Udalak hasierako onarpena eman dio Landarte etxea zegoen eremua berrurbanizatzeko proiektuari. Lan horien bidez, oinezkoentzako guneak eta berdeguneak sortuko dituzte, eta aire zabaleko anfiteatro txiki bat ipiniko dute, bertan, formatu txikiko antzerkia, kontzertuak eta proiekzioak egiteko. Era berean, hobekuntzak egingo dituzte espaloietan, argiterian eta zuhaitzetan. Azken horien artean, lau likidanbar landatuko dituzte. 

Udalak udazkenean hasi gura du lan horiekin. Jarduketak trenbide zaharra bide berde bihurtzeko lanekin bat egingo duela esan du. 

 

Gizartea Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!