Durangoko Udalak sei agente berri gehitu ditu Udaltzaingoaren plantillara, udalerriko segurtasuna indartzen jarraitzeko asmoz. Agente berrien inkorporazio ekitaldia maiatzaren 22an egin zuten, Arkautin.
Era berean, udalak jakinarazi du udaltzaingoak hobekuntza lanetan jarraitzen duela prestakuntza barne antolaketa eta egokitzapen teknologikoa lantzeko. Ildo horretan, Adimen Artifizialarekin lotutako tresnak txertatzen dabiltzala esan dute.
Agente berrien etorrerarekin batera, Josune Escota Segurtasuneko zinegotziak ongietorria
egin die, eta Udaltzaingoak egunerokoan egiten duen lanaren balioa nabarmendu du.