Durangoko kultur eta aisialdi eskaintza guztia, aplikazio bakarrean

Batetik, Durangoko Udalaren ekitaldiak bistaratuko dituzte aplikazioan: Arte eta Historia Museoko erakusketak, Landako Guneko ekitaldiak, San Agustin Kultur Etxeko ikuskizunak eta udalak antolaturiko bestelako ekintzak. Bestetik, herriko elkarteek ere aplikazioa erabili ahalko dute ekitaldien berri emateko.  Horretarako, elkarteek informazioa eta argazki bat bidali beharko dute agenda@durango.eus helbidera.

Paule Sanchez Kultura zinegotziak nabarmendu duenez, “baliabide moderno, inklusibo eta erabilerraza” da aplikjazioa: “Kultura eta aisialdiko programazio guztia espazio digital bakar batean biltzen du, udalerriak kulturarekin eta herritarren parte-hartzearekin duen konpromisoa indartuz”.