Durangoko Landako kiroldegiak gimnasiako Euskadiko Amateur Txapelketak hartuko ditu domekan (maiatzak 24), 10:00etatik aurrera. Gazteak eta A eta B mailako seniorrak lehiatuko dira, taldeka nahiz banaka. Durangoko Uztai taldeak antolatuko du ekimena, askotariko eragile eta erakundeen laguntzarekin.
Maiatzaren 30eko zapatuan Euskadiko txapelketa gehiago egongo dira jokoan Landako kiroldegian. Jardunaldia 10:00etan hasiko da eta A eta B mailako kadeteak, seniorrak eta masterrak lehiatuko dira. Taldeka nahiz banaka ariko dira.
Euskadikoaren aurretik, Bizkaiko txapelketa jokatu zen apiril amaieran. Bertan Uztai taldeko Maider Egiraunek emaitza bikaina lortu eta brontzezko domina jantzi zuen pilotagaz egindako ariketari esker.