Durangoko zaintza komiteak dioenez, Aretxabaletakoa lehenengotariko esperientzia izan da osasun, gizarte eta zerbitzu komunitarioak aldi berean integratzen, eta Hernaniko kideek sistema propioa sortu dute zaintza komunitarioak udalerri horretako auzoetan sustatzeko.
Ereduak ekarri guran
Durangoko zaintza komiteak ispilu modura erabili gura ditu berbaldiok, udalerrian antzera bateko zerbitzua eratu gura dute-eta, 2023ko azaroko greba feministatik hona hainbatetan eskatu duten bezala. Horren harira, "Zer egin dezake udalak zaintzen arloan?" galderari erantzun gura diote, eta "esperientzia errealak mahai gainean" ipintzeko erabiliko dute hitzordua. Antolatzaileek esan dutenez, berbaldietan aldi bereko itzulpen zerbitzua eskainiko dute.