"Instrumentu unibertsala da txistua, hori dela eta, bestelako formula batzuk erakusten saiatzen ari gara, eta Hiruzulo folk jaialdia horren adibideetako bat da", azaldu du Xabier Etxeita Jaizaleko kideak. Horrela, zapatuko emanaldian Arineketan taldea izango da talde gonbidatua, eta Haatik dantza taldeagaz batera Zaharrak berri proiektua aurkeztuko dute. Iñar Sastre eta Jagoba Astiazaran dira Arineketan taldeko buruak, eta 2020an lehen diska kaleratu zutenetik, plaza ugaritan defendatu dute euskal musika tradizionalaren berrikuntzan oinarritutako proposamena. Horrez gainera, Jaizalek harrobia lantzeko apostuagaz jarraitzen duela nabarmendu du Etxeitak. "Gaur egungo mundura egokitzen ari da txistua, eta Jaizale ere bai berarekin. Eta hori, Bartolome Ertzilla musika eskolagaz batera egiten ari garen lanari esker ere bada", gehitu du.
Kontzertua Abadiñon
Bestalde, martxoaren 15ean Durangaldeko 70. Txistulari eguna ospatuko dute Abadiñon. Kontzertu berezia eskainiko dute,