Babesleku Klimatikoen Sarea aurkeztuko dute Durangon

Durangoko Udalak Babesleku Klimatikoen Sarea aurkeztuko die herritarrei. Martxoaren 5ean jardunaldi ireki bat egingo dute udaletxean, plan horren ezaugarriak emateko. Izan ere, udalak egokitzapen neurriak hartu gura ditu herritarrak klima-aldaketaren eraginetatik babesteko: "Ibai-uholdeak, lehorteak, muturreko tenperaturak eta bero-boladak ohikoagoak bihurtu dira. Egoera horrek eragin zuzena du herritarren osasunean eta hirietako eguneroko bizitzan; horregatik, ezinbestekoa da egokitzapen-neurriak hartzea eta espazio seguruak sortzea", azaldu du udalak. 

Hori horrela, "eremu freskoak" identifikatu gura dituzte herritarrekin, "bai kanpokoak bai barrukoak, udako egun beroetan herritarrentzat eskuragarri egongo direnak". Udal eraikinak, elizak, museoak, parkeak eta berdegunean sare horren zati izango direla iragarri dute. 

Herri "kaltebera" klimatikoki

2023ko ekainean, Durangoko Udalak Klima eta Energiaren Plana onartu zuen, eta egoeraren diagnostikoa egitea erabaki. Azterlan horrek erakutsi duenez,  udalerriaren kalteberatasuna "ertaina" da, baina Durangoko Autonomia Erkidegoko udalerrien % 80 baino posizio txarragoan dago. Besteak beste, 8 metro karratu berdegune dago biztanleko, Munduko Osasun Erakundeak ezartzen duen gutxienekoaren azpitik dago adierazle hori.