Barikuan amaituko da abesti feministen lehiaketan izena emateko epea

E.H. 2026ko otsailaren 12a
Deskargatu Info Ahotsak :

Bakarlari edo talde bakoitzak gehienez ere 10 minutuko abesti bi aurkeztu ahal izango ditu, jatorrizkoak zein bertsioak. Finala martxoaren 28an izango da Plateruenean.

Durangoko Udalak gogorarazi du barikuan amaituko dela Abesti Feministen Lehiaketara lanak aurkezteko epea. Egitasmoa zabalik dago 16 urtetik gorako pertsonentzat. Bakarlari zein taldeek (hiru kide edo gehiago) gehienez 10 minutuko bi abesti aurkeztu ditzakete. Estilo guztiak onartzen dira, eta abestiak originalak zein bertsioak izan daitezke. Izen-ematea online egin behar da, udalaren egoitza elektronikoan: abestiaren letra aurkeztu behar da PDF formatuan (euskaraz edo gaztelaniaz ez badago, itzulpenarekin), baita YouTubeko grabazio baterako esteka ere.

Epaimahaiak 12 abesti aukeratuko ditu, eta martxoaren 5ean jakinaraziko du nortzuk diren finalistak. Finala martxoaren 28an izango da, Plateruena Kultur Aterpean, zuzenean. Irabazleek 130 eta 600 euro bitarteko sariak jasoko dituzte. 

Gizartea Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!