Durangarrek zabalik daukate San Faustoko 16 udal-etxebizitzetan alokairua eskatzeko aukera. Eskabideak egiteko epea bihar zabalduko dute, otsailak 10, eta martxoaren 9ra arte egongo da zabalik.
- Jabetzan, gozamenean edo azalera-eskubidean etxebizitzarik ez edukitzea.
- Azken 8 urteetan gutxienez 2 urtez Durangon erroldatuta egon izana.
- Eusko Jaurlaritzaren Etxebizitza Babestuen Eskatzaileen Erregistroan izena emanda izatea, alokairuko modalitatean.
- Udalarekin zorrik ez izatea.
- Diru-sarrerei dagokienez, 9.000 eta 46.463,29 euro arteko mugak ezarri dira, etxebizitzaren tamainaren eta bizikidetza-unitatearen arabera.
Esleitzeko irizpideak:
Udalak honako ezaugarri hauek hartuko ditu kontuan eskaerak baloratzeko: diru-sarrerak, bizikideen kopurua, premia berezia duten kolektiboetako kide izatea (genero-indarkeriaren biktimak, desgaitasuna duten pertsonak, guraso bakarreko familiak edo 4 kide arteko familia ugariak, eta beste kolektibo kaltebera batzuk), eta Eskatzaileen Erregistroko antzinatasuna.
Etxebizitzak talde hauen arabera esleituko dituzte:
- 8 etxebizitza 35 urtetik beherako gazteentzat
- 2 etxebizitza desgaitasuna duten pertsonentzat (egokitu gabeak)
- 2 etxebizitza 70 urtetik gorakoentzat
- 2 etxebizitza guraso bakarreko familientzat
- 2 etxebizitza genero-indarkeriaren biktimentzat
Oinarriak, eskatutako dokumentazioa eta inprimakiak www.durango.eus webgunean daude eskuragarri.