Adin txikiko kirolariak indarkeriatik babesteko panelak Durangoko kirolguneetan

Proiektuak kirolean gerta daitezkeen arrisku fisiko edo emozionalak detektatzea eta horien aurrean jardutea du helburu. Udalak nabarmendu duenez, erronka honetarako ezinbestekoa da eragile guztien inplikazioa: kirol-elkarteena, langileena, familiena eta herritarrena. Konpromiso hori ikusgarri egiteko, bost informazio-panel ipini dituzte  herriko kirolguneetan: Landako I kiroldegian (sarreran, saskibaloi kantxan eta Barrio deritzon aretoan), Landako II eraikineko sarreran eta Arripausuetan. 

Iker Txertudi Kirol zinegotzi eta Durango Kirolakeko presidenteak adierazi duenez, egitasmoak "kirol-ingurune seguru, osasungarri eta errespetuzko baten aldeko apustua" sendotzen du, eta "kirola balioetan, berdintasunean eta elkarbizitzan hezteko gunea" dela berretsi.