Bueltan da Kafe Lagun, Durangoko adinekoentzako topaketa programa

E.H. 2025eko azaroaren 5a

Emakume bat kafea hartzen. SABINE VAN ERP

Astarloa egoitzako kafetegia adinekoentzako topaleku izango da eguaztenero-eguaztenero. Edadetuek elkarrekin batzeko, berba egiteko eta konpainian egoteko tartea izango dute kafea hartuaz.

Topaketak eguaztenetan egingo dituzte, 16:00etatik 17:30era. Jarduera Lagunkide programako boluntario batek dinamizatuko du, eta hark sustauko ditu parte hartzea eta interakzioa. Interesdunek 944657451 telefonoan edo adintek@durango.eus helbidean eman beharko dute izena. Kafe Lagun Durangoko Udaleko Adinekoen Sailak antolatu du.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!