Ekitaldia urriaren 26rako programatu zuten, baina eguraldia zela-eta bertan behera utzi behar izan zuten azkenean. Hori dela eta, Durangoko Udalak eta herriko elkarteek domeka honetarako programatu dute Mañaria erreka garbitzeko saioa. 10:00etatik 13:00etara errekaren ibilgua garbituko dute herrigunean zehar. Pinondo Etxetik ekingo diote lanari. Han, antolatzaileek eskularruak, salabardoak, pintzak eta zabor-poltsak banatuko dituzte. Errekan sartzeko arropa eta oinetako aproposak nork bere etxetik eraman beharko ditu. Antolatzaileek herritarrak deitu dituzte parte hartzera eta kontzientzia ekologiko handiagoa hartzera.
Domeka honetan egingo dute Mañaria erreka garbitzeko jardunaldia
Garbiketa eguna Durangoko Udalak, tokiko Ehiza eta Arrantza Elkarteak, Jai Batzordeak, Auzo Alai elkarteak, Juan Itziar elkarteak, Ourdaibyk eta Marisatsak antolatu dute elkarlanean. Pinondo Etxean egin dute hitzordua, 10:00etan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!