Durangoko Udalak jakinarazi duenez, ezezagunek Astolarako bidegorriko egurrezko barandak lapurtu zituzten duela aste batzuk. Horren eraginez, ibilbide zati bat agerian dago momentu honetan, eta oinezkoentzako zein bizikletentzako arriskutsua izan daitekeela-eta, tartea konponduko du udalak. Sare metalikoa ipiniko dute.
Obrak azaroko lehenengo astean hasiko dituzte, 3.500 euroko aurrekontuagaz. Udalak gertakaria gaitzetsi eta ingurune partekatua errespetatzeko eta zaintzeko deia egin du.