Aurtengo aldiak bost klub batu zituen sei talderekin: Durango Rugby Taldea (DRT), Elorrio Rugby Taldea, Gaztedi Rugby, Hernani Club Rugby Elkartea eta Universitario Bilbo Rugby. Azken honek bi talde eraman zituen eta euretako batek irabazi zuen txapelketa finalean Gaztedi mendean hartuta. Eguraldia lagun, 200 bat ikusle batu ziren partiduak bertatik bertara jarraitzeko.
Etxeko taldeak, DRTk, finalerdiak jokatzeko helburua lortu ez arren, txapelketa "ona" burutu zuela azpimarratu dute klubeko kideek ohar batean. "Hain talde gazteak izanik, txapelketa beraien burua progatzeko eta taldea bateratzeko baliagarria izan zen", nabarmendu dute.