Durango Neskak Rugby Txapelketaren seigarren aldia lehiatuko dute zapatu honetan. Bost klubek parte hartuko dute: Durango Rugby Taldeak (DRT), Elorrio Rugby Taldeak, Hernanik, Gaztedik eta Universitario Bilbaok. Azken honek bi talde ekarriko ditu. Guztira 145 jokalari inguru batuko dira Arripausuetan. Partiduak 14:30etik aurrera jokatuko dira.
DRTk antolatutako ekimena atzo aurkeztu zuten eta herritarrak ekimenean parte hartzera gonbidatu zituzten.