Durangoko Arte eta Historia Museoak Lauaxeta, Ametsen egilea erakusketa ibiltaria hartuko du hilaren 28ra arte. 10 panel mugikorrekin osaturiko erakusketa da, bisitariari ibilbide bisual eta laburra eskaintzen diona. Bildumak Lauaxeta zenaren irudia eta ondare literarioa, politikoa eta gizatiarra azpimarratzen ditu. Besteak beste, duela gutxi ezagututako argazki eta dokumentuak daude ikusgai, hala nola mitinetako kartelak, eskuz idatzitako testuak, kartzela-agiriak eta heriotza zigorraren dokumentuak.
Erakusketa ibiltaria Bizkaiko Foru Aldundiak bultzatu du. Jon Kortazar katedradun eta literatura kritikaria da komisarioa.