Udal arduradunek azaldu dutenez, laguntzarekin "udalerriko desgaitasun fisiko, psikosozial, kognitibo edo sentsoriala duten adingabeen bizi-kalitatea" hobetu gura dute. Tratamenduaren kostuaren % 80 estaltzea gura dute. Horretarako, honako baldintza hauek bete beharko dituzte eskatzaileek: 6 eta 18 urte bitartean izatea eta Bizkaiko Foru Aldundiak % 33ko desgaitasuna aitortua izatea; Durangon erroldatuta egotea eskaera aurkeztu aurreko 12 hilabeteetan, gutxienez, etenik gabe, eta legez gaitutako erakundeetan tratamendu terapeutikoak jasotzen aritzea.
Eskaerak aurkezteko epea 2025eko urriaren 31ra arte egongo da zabalik. Eskabideak Durangoko Udaleko erregistro orokorrean edo www.durango.eus egoitza elektronikoan egin behar dira.