Eskaintzak aurkezteko xehetasun guztiak plataforman daude eskuragarri, esteka honen bidez: https://www.contratacion.euskadi.eus. Behin proposamenak jasotzeko epea amaituta, ziklomotorra eskaintza ekonomiko handienari esleituko diola iragarri du udalak. Berdinketa egonez gero, plataforman lehenengo erregistratu den eskaintza lehenetsiko dute. Esleipenaren ondoren, udalak pertsona edo erakunde irabazleari jakinaraziko dio, eta azken horrek 10 egun balioduneko epea izango du eskainitako prezioa ordaintzeko eta salerosketa-kontratua formalizatzeko.
Ezaugarriak
Udalak jakinarazi duenez, ziklomotorrak 1800Wko Bosch motor bat du (2300W-ko potentzia maximoa), eta kalitate handiko litiozko bateria, 70 km arteko autonomia eskaintzen duena, 45 km/h-ko gehieneko abiadurarekin. Gainera, 6 eta 7 ordu arteko karga-denbora du, eta 95 kg-ko pisua guztira, bateria barne. Ziklomotorra Udaleko jakinarazleek erabili dute orain arte, eta 3.745 kilometro ditu.