Gazte Eguna Otamotzenan, uda sasoiari ongietorria emateko

Kaletik Gaztetxera dinamikako kideek Udako Gazte Eguna ospatuko dute datorren zapatuan. Otamotzenan batuko dira, eguerdian. Kamisetak banatuko dituzte lehenengo, eta taldeko fanzinea aurkeztuko dute gero. 12:30ean plastilina txapelketa izango dute, eta 14:30ean bazkaria. 17:00etan frontenis txapelketako finalak jokatuko dituzte Kurutziaga ikastolan. 19:00etan poteoa egingo dute, txaranga lagun. 21:00etan kontzertuak izango dituzte: Gozzue eta Kiliki.