"Ekimen honen helburu nagusia kirola osasun fisiko eta mentalerako eta parte hartzerako tresna funtsezko gisa nabarmentzea da. Ekitaldi honen bidez, adin guztietako pertsonak kirol diziplina berriak ezagutzera, kirolaz gozatzera eta Durangoko kluben lanera hurbiltzera animatu nahi dira", azaldu dute antolatzaileek.
Bi egunetan zehar, adin eta maila guztietarako diseinatutako hainbat jarduera egingo dira. Klubek asteburuan zehar, kirola eta euren jarduerak ezagutarazteko egingo dituzten jarduera eta informazio standen bidez parte hartuko dute. Horrez gain, yoga saioak, helduentzako gimnasia, kalistenia (euria eginez gero ere egingo da), strong klaseak, Herri Kirolen finala eta zumbathon bat izango dira, dantzan eta taldean trebatuz gozatzeko. Jarduera horiei Mobidurangora bisita gidatuak gehituko zaizkie, Landako 2ko instalazioetan eskaintzen den gune eta zerbitzu hori gertutik ezagutzeko. Zerbitzu hau doakoa da eta herritar guztiei zuzenduta dago, adina edozein dela ere; helburua indarra, mugikortasuna eta gaitasun funtzional orokorra hobetzea da, bizimodu aktiboen garrantzia barneratuz.
Ekitaldiari amaiera emateko, zozketa bat egingo dute herritarren parte-hartzea saritzeko. Honekin guztiarekin batera, 32 kirol klub egongo dira informazio standetan, bi jardunaldietan zehar beren jarduerak eta proiektuak modu jarraituan erakusteko.
Kirol Egunen egitaraua:
Ekainak 7 (larunbata):
9:00 – Yoga
10:00 – Ateen irekiera
10:30 – Helduentzako gimnasia
11:00 – Kalistenia Ibaizabal Kalistenia parkean (euria egiten badu Landako Gunean)
11:30 – Strong
12:00 – Mobidurango bisita 1
12:00 – Herri Kirolen finala
13:00 – Itxiera eguerdian
17:00 – Ateen irekiera, Mobidurango bisita eta kalistenia Ibaizabal kalistenia parkean (euria egiten badu Landako Gunean)
18:30 – Strong
Ekainak 8 (igandea):
10:00 – Ateen irekiera
11:00 – Kalistenia Ibaizabal kalistenia parkean (euria eginez gero Landako Gunean)
12:00 – Zumbathon
13:30 – Ekitaldiaren zozketa eta amaiera
Kalistenia saioetan izena ematea beharrezkoa da:
32 klub parte-hartzaileak:
Gu Lagunak, Ezkuri Kirol Taldea, Indarxport, Durangoko Sapuherriak, Durango Rugby Taldea, Durango Judo, Durangoko Kirol Kultur Elkartea, Arripu, Arkulariak, Anbotopeko Saskibaloi Taldea, Alpino Tabira, Padelzaleak, Wadokan, Durango Kirol Taldea, Bidezabal Atletismo Taldea, Durangaldeko Txirrindulari Eskola, Ourdaiby, Sapubike, Larrasoloeta Xake Taldea, Durangoko Uria Jai Alai, CD Sasikoa, Club Pickelball, Uztai Taldea, Tabirako Saskibaloi Taldea, Tabira Igeriketa Taldea, Mugarra Triatloi Taldea, Mendibeltz, Landako Tenis Kluba eta Ibaizabal Eskubaloia Taldea.
Iker Txertudi, Kiroletako zinegotzia eta Durango Kirolak-eko presidentea, ilusioz eta esker onez agertu da parte hartzen duten klub guztiekiko: “Ekitaldi hau gure kirol klub eta tokiko elkarteen ahalegina eta dedikazioa aitortzeko sortu da, eta, aldi berean, herritar guztien artean kirol praktika sustatzeko. Kirola funtsezkoa da osasun fisiko eta mental ona izateko, eta, gainera, kohesio soziala eta parte hartzea indartzeko tresna da. Bi egun hauetan zehar jarduera ugari eskainiko ditugu, eta bertaratzen direnek Durangoko klub ugarien lana gertutik ezagutzeko aukera izango dute. Herritarrak bertaratzea gonbitatzen ditugu, gozatzera eta Durango osasunarekin, ongizatearekin eta jarduera fisikoarekin konprometitutako udalerri gisa sendotzen duen topaketa handi honetan parte hartzera.”