Durangoko Udalak jakinarazi duenez, egitasmoaren helburua "ingurune atsegin eta gertukoa sortzea da", parte hartzaileek elkarrekin berba egin, esperientziak partekatu eta beren sare soziala indartzeko. Ekintza Lagunkide programako boluntario baten gidaritzapean egingo dute.
Udalak egitasmoan izena emateko gomendioa egin du, eremua behar bezala antolatu ahal izateko. Inskripzioak 94 465 74 51 telefonoan edo adintek@durango.eus helbidean egin daitezke. Kafegunea proba pilotu legez egongo da martxan, eguenero, ekaina amaitu arte.