298.920,60 euroko inbertsioarekin, Durangoko Udalak azaldu du, beharrezko baliabideak esleitu dituela merkatua, funtzionala izateaz gain, pertsona guztientzat erakargarria eta irisgarria izango dela ziurtatzeko. Merkatu soila izatetik haratago, Merkatu Plaza topaketarako, bizikidetzarako eta herritarren partaidetzarako leku dinamiko bihurtuko dela esan dute. Merkataritza-postuei dagokienez, guztira 11 postu egongo direla jakinarazi dute.
"Merkatu Plaza birgaitzea Legegintzaldiko Planean jasotako proiektu estrategikoa da, Durangoren garapenarekin dugun konpromisoaren erakusgarri garbia. Proiektu honek 'esan eta egin, hitza eman eta bete' filosofia islatzen du, gure arlo adierazgarrienetako bat espazio moderno, irisgarri eta jasangarri bihurtuz, tokiko merkataritza bultzatzeaz gain, herritarren topaketa eta parte-hartzea ere sustatuko duena", esan du Mireia Elkoroiribe Durangoko alkateak.