Itzalaldiaren eraginez funtsezko horniduretan izan diren akatsen ondorioz, "funtsezko" hainbat zerbitzui eten dituzte gaur Durangon. Mireia Elkoroiribe alkatea buru izan duen Larrialdietarako Udal Batzordeak, udal liburutegia eta Landako I eta Landako II kiroldegiak aldi-baterako ixtea erabaki du, prebentzio neurri gisa. "Hornidura elektrikorik ez zegoelako eta espazio horien funtzionamendu egokia bermatu ezin zelako", ohar batean jakitera eman dutenez.
Arratsaldeko 18:00ak inguruan udalaren egoitza elektronikorako sarbidea berrezarri da, eta, herritarrek online tramiteak egin ahal izan dituzte. Gainera, Udal Liburutegia eta Tabira eta Arripausuetako kiroldegiak zabaldu dituzte berriro. BIhar 09:00etan, berriro batuko da Larrialdietarako Udal Batzordea, "argiteria publikoaren egoera espezifikoa eta konexio telematiko eta elektronikoen mende dauden zerbitzuak aztertzeko".