Durangoko San Fausto jaietan txosna jarri gura duten elkarteek hasierako eskaria egiteko aukera dute, apirilaren 30era bitartean. Horretarako ziurtagiri digitala beharko dute. Ondoren, dokumentazioa osatzeko aukera izango dute, irailaren 15era arte.
Prozesuarekin lotutako jakinarazpen guztiak egoitza elektronikoaren bidez egingo dira, beraz, posta elektroniko baliozko bat eman beharko da harremanetarako. Horrela eman dute jakitera udal arduradunek. Informazio gehiago: www.durango.eus