2026ko aurrekontuko 600.000 euro herriko auzoetan inbertitzea erabaki du Durangoko Udalak, eta herritarrak deitu ditu proposamenak egitera. Horretarako, kutxak ipini dituzte herriko hiru udal eraikinetan: euskaltegian, adinekoen etxean eta musika eskolan (Saibi kalean gaur egun). Era berean, udalak gogoratu du apirilaren 16ra arte proposamenak online egiteko aukera dagoela, partehartu.durango.eus atariaren bitartez.
Udalak modu orekatuan banatu gura du 600.000 euroko aurrekontua, herriko sei auzoeta: San Roken, San Fauston, Landakon, Madalenan, Erdialdean eta Tabiran. Auzo bakoitzak 100.000 euroko kopurua izango du. Era berean, proposamenek udal-eskumenekoak izan beharko dute, kulturari, mugikortasunari, ingurumenari, berdintasunari, hirigintzari edo garapen ekonomikoari loturikoak.