Egitasmoaren helburua Gernikako Arbolaren "sinbolismoa indartzea" da, Durangoko Udalaren esanetan, "Euskadiren historia, nortasuna eta balio demokratikoen ikur gisa". Kimu berria landatu ondoren, oroigarri plaka bat ere jarriko dute haren ondoan. Udalak herritar guztiak gonbidatu ditu ekitaldian parte hartzera eta Durangorentzat esanguratsua izango den une horren lekuko izatera.