Zirarmendieta kaleko hegoaldeko espaloia berritzen hasi dira

Durangoko Udalak Zirarmendieta kaleko hegoaldeko espaloia berritzeko lanak hasi ditu, Larrasoloeta eta Urkiagatorre arteko zatian. Udalaren esanetan, proiektuaren helburua oinezkoen eta bizikleten irisgarritasuna eta mugikortasuna hobetzea da, eta hiri-ingurunea egungo estandarretara egokitzea. Aurreikusitako jarduketen artean daude espaloia eta bidegorria birdefinitzea, zoladurak egokitzea, berdegune berriak integratzea eta hiri-altzariak jartzea. Gainera, hobekuntzak egingo dituzte bide-seinaleetan eta zerbitzu-sareetan. Proiektuaren aurrekontu osoa, BEZ barne, 212.360,36 eurokoa da. Lanak joan den astean hasi zituzten eta maiatzaren hasieran bukatzea aurreikusi dute.