"EH Bilduk aurkeztutako mozioak ez zuen ez kontrastaturiko daturik, ezta datu zehatzik ere jasotzen, eta kasu konkretu honetan, udaletxeak ez daki Ertzaintzaren lana nola garatu den", azaldu du oharrean. Horrez gainera, Ertzaintzak eskaintzen duen zerbitzu horri buruzko datu okerrak eman izana leporatu die oposizioko alderdiei. "Ertzaintzak indarkeria matxistan espezializatuko arreta zerbitzua eguneko 24 orduetan, asteko zazpi egunetan eskaintzen du, baita biktimentzako laguntza juridikoa ere, eta biktimak horrela eskatuz gero, profesionalek berehala eskuhartzen dute". Bestalde, Durangoko Udala eta Ertzaintza elkarlanean ari dira duela hilabete baino gehiagotik zerbitzu hau hobetu eta ezagutzera emateko. "Udalak deitoratu egiten du EH Bilduk eta Herriaren Eskubideak bat egitea erabaki izana, erabilera politiko hutsagatik, DAFA kolektiboaren kexa batekin, poliziaren jarduera eta zerbitzuaren egoera benetan ezagutu gabe. Indarkeria matxista oso arazo larria da, seriotasunez eta erantzukizunez heldu behar zaiona, eta ez da erabili behar konfrontazio politikorako tresna gisa".
Durangoko Udal Gobernu taldeak "oportunismo politikotzat" jo du oposizioaren jarrera DAFAren salaketaren inguruan
EAJk eta PSEk osatutako udal gobernu taldeak oposizioko EH Bildu eta Herriaren Eskubideari indarkeria matxista "konfrontazio politikorako tresna" gisa erabili izana leporatu die ohar baten bidez. Hain zuzen ere, DAFAk asteon jakinarazi du, duela aste batzuk emakume batek jasandako erasoa; Durangoko udalbatzara iritsi zen DAFAren salaketa, eta udal talde desberdinen arteko eztabaida sortu zuen. Udalbatzan, EH Bilduk urgentziazko mozioa aurkeztu zuen, baina ez ziren mozioa bera eztabaidatzera iritsi. Izan ere, urgentziazko mozioak eztabaidatzeko, onartu egin behar dira lehenengo bozketa batean. Gertakariaren ostean, udal gobernu taldeak "beharrezkotzat" jo du mozioa ez onartzeari buruz "egindako desitxuratze interesatua" salatzea. Gainera, indarkeria matxistaren aurkako konpromisoa berretsi dute, eta, hau desagertarazteko lanean jarraituko dutela nabarmendu dute.
EGIN ZAITEZ KIDE!