Durangaldeko Gazte Koordinadora Sozialistako kideak motorrak berotzen dabiltza urtarrilaren 25eko manifestazioari begira. Iruñean eta Bilbon mobilizatuko dira, eta "gerraren eta faxismoaren aurrean antolatzeko beharra" aldarrikatuko dute. Alabaina, hori baino lehen, berbaldi bat egingo dute Durangoko O´connors tabernan. Urtarrilaren 18an izango da, arratsaldeko 19:00etan.
Bestalde, antolakundeko kideak geratu barik ibili dira egunotan, manifestaziorako deialdiak egiten. Aurkezpenak egin dituzte Durangon, Elorrion, Zornotzan eta Otxandion, eta hemendik eta zapatura arte ere beste hainbat ekitaldi egingo dituzte eskualdean: ikastetxeetan aurkeztuko dute manifestazioa. Durangoko eta Elorrioko institutuetan, bihar, eta, Ibaizabal ikastolan, etzi.
Manifestaziorako autobusak
Urtarrilaren 25ean hiru autobus irtengo dira eskualdetik Bilboko manifestaziora. 16:00etan irtengo dute honako ibilbidea aurretik:
- Durango - Bilbo
- Elorrio - Atxondo - Abadiño - Bilbo
- Otxandio - Zornotza - Bilbo
Manifestazioa eta gero ere autobus zerbitzua izango dute.