Durangoko Udalak lehiaketa publikora atera du Tabiran umeentzako ur-txorrotak ipintzeko proiektua. Aurreratu dutenez, instalazioko elementuek ur-efektu leunak eta familia osoari begirako egiturak izango dituzte, tartean, zurrusta bertikalak, ur-arkuak eta zutoin espiralak. Instalazioa Tabira aldean ipiniko dute, txintxaunen ondoko arlo batean.
Proiektuak 140.239 euroko aurrekontua dauka. Durangoko herritarrek aurrekontu parte hartzaileetan bozkatu zuten proiektuetariko bat dira ur-txorrotak.