Izotz pistak 7.945 erabiltzaile izan ditu

Anboto 2025ko urt. 10a, 16:21

Umeentzako Gabonetako Parkeak 7.000 bat erabiltzaile izan ditu, eta Olentzeroren eta Mari Domingiren etorreran 2.000 bat lagun batu ziren. Ekitaldirik jendentsuenen artean Errege Magoen kabalkada dago. 

Durangoko Udalak Gabonetako ekitaldien balantzea egin du. Abenduaren 20tik urtarrilaren 6ra bitarteko hogeita lau ekitaldietan "parte hartze handia" egon dela adierazi du udalak: "Herritarrek aktiboki parte hartu dute ekitaldietan", esan dute. Zenbakiei dagokienez, honako kopuru hauek eman dituzte:

  • Izotz pista: 7.945 bisitari. Egunik jendetsuenak urtarrilaren 2a, 3a eta 4a izan ziren. Erabiltzaileen ia erdiak durangarrak izan dira; gainerakoak, inguruko udalerrietakoak.
  • Olentzero eta Mari Domingiren etorrera: 2.000 lagun batu ziren Landako Gunean. Egitasmoak herriko 12 elkarteren laguntza aktiboa izan zuen. 
  • Umeentzako Gabonetako Parkea: 7.000 bat lagun.
  • Pirritx, Porrotx eta Marimotots: 1.700 ikusle saio bitan.

Udalak herriko elkarteen parte hartzea eskertu du, horiek lagundu dute-eta "arrakasta" lortzen. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!