Durangoko Udalak Lan Eskaintza Publikoa (LEP) zabaldu du enplegu publikoaren behin-behinekotasuna jaisteko helburuz. Prozesua inklusiboa eta interesdun guztientzako irisgarria izango dela aurreratu du udalak, eta zehaztu du, txanda irekiko zein barne-sustapeneko lanpostuak hartuko dituela kontuan. Txanda irekiari dagokionez, honako plaza hauek eskainiko dituzte:
Administrazio orokorra:
- Bi administrari plaza (C1 taldea).
Zerbitzu bereziak:
- Biltegizain plaza bat (C2 taldea).
- Iturgin ofizial plaza bat (C2 taldea).
- Herritarren segurtasunerako agenteen 4 plaza (C1 taldea).
Astarloa Kulturgintza:
- Langile plaza bat (AP kategoria).
Barne-sustapeneko plazei dagokienez, udalak plaza bat zehaztu du Zerbitzu Berezien azpieskalako langileordearentzako (C1 taldea). Era berean, plazen %7 desgaitasunen bat duten pertsonentzat gorde dutela jakinarazi dute.
Lan Eskaintza Publikoagaz, udaleko lanpostuen behin-behinekotasuna jaisteko norabidea hartu gura du udalak. Honako helburu hau jari du: behin-behinekotasunaren portzentajea % 6 baino txikiagoa izatea. (Europako legediak % 8tik behera ezartzen du legezko muga).