Horretarako, durangokoazoka.eus webgunean egin beharko dute ekarpena. Ahotsenea gunearen kasuan, orain arteko prozesua moldatu egingo da aurten. Proposamenak heltzeko ordena ez da arau izango, eta epearen barruan aurkezten diren eskari guztiak baloratuko dituzte arduradunek.
Aurten, ostera ere, Durangoko Arte eta Historia Museoan eta Bizenta Mogel Bibliotekan ere antolatuko dira ekintza azoka egunetan.
Ikastxeen txanda
Abenduaren 5ean Ikasle Goiza izango da. Gaurtik hasita, bertaratu gura duten ikastetxeek izena emateko aukera dute Durangoko Azokaren webgunean. Azoka bisitatzeaz aparte, ikasleek eta irakasleek tailerretan parte hartu ahal izango dute. Horrez gainera, LH, DBH eta Batxilergoko ikasleentzat aurten ere martxan egongo da PortaDA erronka. Euskarazko liburu eta diskoen azalak birsortzeko erronka da hau; azaroaren 29a baino lehen bidali beharko dituzte irudiak ikaslegoiza@durangokoazoka.eus helbide elektronikora.