Peter Memoriala XIII. Pilota Txapelketaren finalak jokatu ziren Durangoko Ezkurdi Jai Alai pilotalekuan joan zen barikuan. Nagusietan Kareaga eta Larrañagak 22-10 menderatu zituzten Etxebarria eta Etxezarraga. Gazteen mailan, berriz, Arriola eta Uribek jantzi zuten txapela Nogueiras eta Gomezi 22-13 irabazi ostean.
Emakumeen paleta gomako partidoa ere jokatu zen. Arriaga eta Fernandezek 30-14 menderatu zituzten Barañano eta Buruaga.
Partidoak nahiko laburrak izan ziren baina intentsitate handikoak. Jaialdia ondo irten zen antolatzaileen berbetan, eta dagoeneko hurrengoari begira daude.