Andoni Iruarrizagaren familiak eta lagunek omenaldi hunkigarria antolatu dute, gaur, Ibaizabal auzoan. Urtarrilean hil zen Andoni Iruarrizaga, eta bere ingurukoek ekitaldi xume honen bidez gogoratu gura izan dute. 09:00etan Ibaizabalen batu dira maratoi berezi bat korrika egiteko, berak Bostonen egingo lukeen bezala. Denek Athleticen kamisetak jantzita izan dituzte. Izan ere, Iruarrizaga athleticzale amorratua zen.