Vicente Zavala kultur elkarteak antolatutako ipuin lehiaketaren 8.aldian DBH 3ko eta DBH 4ko 35 ikaslek parte hartu dute. Atzo egin zuten sari banaketa Durangoko udal liburutegian. Lehenengo saria Noa Sevilla Amo ikasleak irabazi zuen 'La guerra interna del soldado enamorado' ipuinarekin. Bigarren sari bi izan ziren: Paula Cuellas Ibarra 'La extraña mecedora' ipuinarekin eta Haizea Heredia Astorquia 'El enigma de los espejos' ipuinarekin. Azkenik, beste hiru ikaslek hirugarren sariak jaso zituzten: Anne Carballo Fernandezek 'Despertar del sueño' ipuinarekin, Nahia Ruizek 'Un amor inesperado' ipuinarekin eta Uxue Santidrián Larrañagak 'Un monton de nada' ipuinarekin. Denak San Antonio ikastetxeko ikasleak dira.
Euskarazko komiki lehiaketaren 5. aldia ere antolatu dute, baina aurten ez da partaiderik aurkeztu.
