Durangoko Arte Martzialen Wadokan taldeko kideek urteko irteerarik garrantzitsuenetakoa izan zuten joan zen asteburuan. Toledoko (Gaztela-Mantxa) Battle of Toletum nazioarteko txapelketan parte hartu zuten eta 55 domina irabazi zituzten: urrezko 17, zilarrezko 23 eta brontzezko 15.
Horrez gainera, Wadokaneko umeak Carranque herriko (Toledo, Gaztela-Mantxa) Kenpo txapelketan ere aritu dira eta hamabi domina irabazi dituzte: urrezko 7 eta zilarrezko 4.
Emaitzekin pozik daude Wadokaneko kideak, eta gazteek ikasitako "baloreak" azpimarratu dituzte ohar batean. "Benetako garaipena ikaskuntzan, batutako esperientzian eta taldeko baloreen arabera aritzean dago".
