Talde lanari esker lortu zuten garaipena. Ekhi Lazkano zazpigarren tokian sailkatu zen; Julen Saez de la Cuesta 18.; Endika Agirrebeitia 25.; Markel Zelaieta 28. eta Liher Campo 67. tokian. Alvar Rodriguezek ezin izan zuen parte hartu.
Emaitza on gehiago
Azken asteetan emaitza on gehiago lortu dituzte Bidezabaleko atletek. Esaterako, Cristina Teixeirak master mailako Espainiako txapelketa irabazi du disko-jaurtiketan. Lorcan (Murtzia) jokatutako txapelketan 37,22 metrora jaurti zuen diskoa.
Azpimarratzekoa da Laura Riosek Espainiako martxa txapelketan eta 20 urtez azpiko mailan lortutako seigarren postua ere. Riosek minutu batean hobetu zuen bere marka pertsonala: 51,23. Zaragozan lehiatu zen txapelketa.
Pista estaliko Espainiako atletismo txapelketari dagokionez Laia Cariñanos laugarren sailkatu zen 1.500 metroetan honako denbora honekin: 4.48.64. Ixone Sanchez abadiñarrak eta Noa Sevillak 400 metroetan eta Iker Fidalgok 1.500 metroetan ezin izan zuten finalerdia gainditu.