Aldundiak Zirgari Sariak 2024 sarien IX. edizioko saridunak nortzuk diren iragarri du gaur. Hiru saritu daude eta euretako bat eskualdekoa da: Andereak elkartean. Berdintasunaren alde egindako lana aintzatetsiko diote Durangoko elkarteari. Gainerako bi sarituak honako hauek dira: Begoña Murgialday, Ohorezko Saria atalean, eta, 'Mujeres con Ciencia' bloga, Berdintasunaren aldeko Proiektuaren atalean.
Sariak banatzeko ekitaldia martxoaren 7an izango da, Emakumearen Nazioarteko Egunaren bezperan, 18:00etan, Bilboko Kale Nagusiko BBK aretoan. Bertan izango da Elixabete Etxanobe Bizkaiko ahaldun nagusia.