Getafen lehiatu dute txapelketa maila guztietan. Cariñanosek estreinako urtea du 18 urtera arteko kategorian, baina hasieratik argi utzi du zelako maila duen, beheragoko kategorietan egin duen moduan. Getafeko proban azkenengo 200 metroetan jotako esprintari esker lortu zuen garaipena. Helmugan segundo bi atera zizkion Monica Guijarro bigarren sailkatuari eta lau segundo Nadia Soto hirugarrenari.
Bere hurrengo erronka pista estaliko Espainiako txapelketa izango da, otsailaren 24tik 25era Sabadellen lehiatuko dena.