17:15etik aurrera partidu bi egongo dira ikusgai: Binakako Serie B txapelketako eta Binakako Txapelketa Nagusiko partidu bana. Estelarrean garaipen beharra duten bikote bi izango dira: Laso-Aranguren eta Peña II-Albisu. Bigarren itzulia hasi berria denean, bikote biak sailkapeneko beheko postuetan daude. Lasok eta Arangurenek zortzi partidutik hiru irabazi dituzte orain arte; Peña II.a eta Albisu, berriz, azken aurreko tokian daude garaipen birekin.
Atariko partidua honako hau da: Larrazabal-Eskiroz / Alberdi II-Morgaetxebarria. Kasu honetan Alberdi eta Morgaetxebarria zornotzarra dira behar handiena dutenak: zortzi partidutik bakarra irabazita sailkapeneko zuloan daude. Larrazabal eta Eskiroz, aldiz, hirugarren daude bost garaipenekin.
Jaialdirako sarrerek 15 eta 30 euro artean balio dute eta LOTURA HONETAN eskuratu daitezke.