Durangoko Udalak eta Euskal Trenbide Sareak akordiorako oinarria lortu dutela eta, balorazioa kaleratu du EH Bilduk. Subiranisten esanetan, "EAJren iritzi aldaketa ez zatekeen posible izango herri mugimenduaren lanagatik eta konkretuki Erabaki plataformagatik izan ez balitz". EH Bilduren irudiko, "EAJk eta PSE-EEk etxebizitza soziala lehentasuna izan behar dela ondorioztatu dute lehenengoz".
Dena dela, ñabardura kritikoak ere azaleratu dituzte. Diotenez, "nabarmen" txikituko da egiteko aurreikusita dagoen parkearen azalera: "%40". Bestalde, ondare historikoa mantentzeari buruz, "jausten dabiltzan" Pinondo Etxeari eta San Agustingo ospitale zaharrari buruzkorik jasotzen ez dela adierazi dute. Gobernu taldeari eskatu diote "durangarren interesak erdigunean jartzeko".
