Estatuko zortzi klubik onenak lehiatu ziren. Jardunaldia hasi aurretik Durango Kirol Taldea (DKT) zortzigarren zegoen eta postu horretatik laugarrenera igotzea lortu zuten goi mailako errendimenduari esker. Sei garaipen indibidual lortu zituzten, aurreneko sailkatuek baino gehiago.
Txapelketa Image FDR Burgos taldeak irabazi zuen 167 punturekin. Valentziako Catarroja (166,5) eta Galiziako Sada taldea (166) geratu ziren bigarren eta hirugarren tokietan. Euren atzetik DKT sailkatu zen 136,5 punturekin.