[EGITARAUA] Durangoko Musika Hamabostaldiaren edizio berria aurkeztu dute

Mikel Cañada Euskadiko Okrestrako kideak Ondinaren magia emanaldia aurkeztu du. "Gazteenak musikara hurbiltzeko aukera itzela da musika eskolegaz ditugun kolaborazioak; aurtengoa Durangokoagaz egiten dugun hirugarrena da", azaldu du. Nerea Quincoces eta Tania Loza musikari eta Kuttuneko kideek hamabostaldian parte hartzeak sortzen dien ilusioa azpimarratu dute; bigarren lana aurkeztuko du folk taldeak San Agustinen. Alfredo San Bartolome Ertzillako zuzendari ohiak San Andreu Jazz banda Durangora ekartzea erronka izan dela nabarmendu du. "Askotan saiatu gara beraiek hona ekartzen, bi arrazoigatik: alde batetik, duten maila altuagatik eta kalitateagatik, eta baita proiektu pedagogiko bat delako"; 7 eta 21 urte bitarteko gazteek osatzen dute banda. Zikloa borobiltzeko, Judith Jauregi pianojole entzutetsuak kontzertua eskainiko du; Hamabostaldira hurbilduko den bigarren biderra da, izan ere, 2012an ere bertan aritu zen.

San Agustin eta Bartolome Ertzilla Musika Eskolaren arteko elkarlana goraipatu dute Arantza Arrazola eta Iker Ruiz de Alegriak. 

• 18:00etan, Euskadiko Orkestra Ondinaren magia interpretatzen, San Agustin kulturgunean.

• 19:00etan, Kuttune folk taldearen kontzertua, San Agustin kulturgunean.  

• 18:00etan, San Andreu Jazz Band & Èlia Bastidaren kontzertua, San Agustin kulturgunean. 

• 20:00etan, Judith Jauregiren kontzertua, San Agustin kulturgunean.