Gaur, 15:07an, Alluitz kaleko 7. zenbakian dagoen garaje batetik ke asko irteten zenaren abisua jaso dute suhiltzaileek. Suhiltzaileak, udaltzaingoa eta ertzainak bertaratu dira. Suhiltzaileak garajera sartu direnean, kutxa elektriko batek su hartu duela eta kea haren ondorioa zela konturatu dira. Argindarra itzali eta sua itzali dute. Gertaerak ez du pertsonarik zauritu eta kotxerik ere ez da kaltetu, ertzaintzako iturrien esanetan.
Operatiboaren ondorioz, bidea itxi behar izan dute Astxikiko biribilgunearen eta Alluitzeko biribilgunearen eta Sasikoa kalearen artean, Durangoko Udaletik azaldu dutenez.Iberdrolak lanak amaitu ondoren, suhiltzaileek dagozkion egiaztapenak egingo dituztela gaineratu dute.