Eneko Diez borrokalari durangarra maila bikainean dabil Jiu Jitsuan, eta oraintsu Munduko Txapelketarako txartela lortu du. 25 urteko borrokalariak Madrilen jokatutako txapelketan nagusitasunez irabaztea lortu zuen; 94 kilotik beherako kategorian. Eta horri esker, Munduko Txapelketan egoteko txartela lortu du. Munduko jiu jitsu txapelketa azaroaren 8tik 10era izango da Abu Dhabin.
