Durangoko Azoka abenduaren 6tik 10era bitartean egingo da aurten. Ekoizpenen erakusketaz gainera, aurkezpenak, solasaldiak, tailerrak, proiekzioak, musika eta antzerki emanaldiak ere egongo dira bertan, ohi bezala. Guneetako antolatzaileak hasi dira prestaketa lanekin, eta irailaren 15etik urriaren 15era bitartean, proposamenak bidaltzeko aukera edukiko dute sortzaileek, argitaletxeek eta disketxeek www.durangokoazoka.eus webgunearen bidez.
PortaDA erronka
LH, DBH eta Batxilergoko ikasleentzako portaDA erronkan antolatu dute aurten ere; euskarazko liburu eta diskoen portaden irudiak birsortu egin behar dituzte ikasleek. Azaroaren 30a izango da erronkan parte hartzeko muga; argazkiak ikaslegoiza@durangokoazoka.eus helbidera bidali behar dira proposamenak.