Frontoi irekiak, Garai jauregiaren inguruak eraberritzeko lanak, Kurutziagako iturria konpontzea, komun publikoak ipintzea, astronomia proiektu bat garatzea... Durangoko Udalak proiektu horiek eta gehiago jaso ditu aurrekontu partehartzaileen proposamenen zerrendan. Gaurtik abuztuaren 20ra arte, herritarrek proiekturik gogokoenen artean bozkatzeko aukera izango dute. Durangar bakoitzak hiru ideia aukeratu ahal izango ditu, bakoitzari hiru puntu, puntu bi edo puntu bakarra emanda. Horretarako, udalaren parte hartze atarira sartu behar da. Bestela, Herritarrentzako Arreta Zentroan, Tabirako igerilekuetan eta Turismo Bulegoetan atondutako tablet gailuen bitartez eman ahalko da botoa. Udal iturriek jakinarazi dute 800.000 euroko diru poltsa prestatu dutela aurrekontu parte hartzaileetarako.
Frontoi irekiak, jolasgune estaliak eta komun publikoak bozkagai, Durangoko aurrekontu parte hartzaileetan
Durangoko Udalak aurrekontu parte hartzaileetako proposamenak bozkatzeko epea zabaldu du. Guztira 800.000 euroko poltsa prestatu dute proiektuak egiteko.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!