"Hautaketa hau bultzada bat da zinemagintzaren industrian nire ibilbidea garatzeko", azaldu du Carpenter berak ohar batean. "'Al final del túnel' esku artean ditudan proiektuetako bat da, eta hau, idazten jarraitzeko bultzada bat da".
'Al final del tunel'-en ardatza maitasun harreman bat da. Mutil bat itsu geratuko da gaixotasun degeneratibo baten ondorioz, hain zuzen ere, bere ametsetako mutila ezagutzen duen egun berean.
Egoitz Carpenter Durangon jaio zen, 1999. urtean. Zientzia Politikoak ikasi ostean, Malagan (Espainia) zine ikasketak egin zituen. Ordutik, hainbat laburmetrairen ekoizpen zuzedari lez lan egin du, eta hainbat gidoi idatzi ditu, baita ere; gidoigintzako irakaslea ere bada Carpenter, Malagako Rayuela liburu dendan.