Delirium Tremens 1985ean sortu zuten Basterretxeak (ahotsa eta gitarra),Txufuk (bateria) eta Javier Bilbatua Billyk (baxua); 1987an Zarrapo taldeagaz batera Hemen denak berdinak dira (Oihuka) diskoa kaleratu zuen, eta 1989an Ikusi eta ikasi lan ezaguna. Lanak arrakasta handia izan zuen, Laino ilunak, Boga boga, eta Kaixo abestiengaitik batez ere.
La Excavadora, biran
Talde gazteagoa da La Excavadora, bertako kideak aspalditik dabiltzan arren musika munduan. 2019 amaieran sortu zuten taldea Pelak (SCB, Marky Ramone´s Blitzkrieg...), Txikik (Gatillazo, La Polla Records, Rockaina...), Butonek (Gatillazo, Al Karajo...) eta Mikelek (Childrain, Vicepresidentes...). Bigarren diskoa kaleratu dute oraintsu, Todo es para destruir, eta bira betean daude hau aurkezteko; besteak beste, Logroñon (Espainia), Zaragozan (Espainia) eta Arrasaten joko dituzte kontzertuak udaberrian. Metal, punk eta rock doinuak uztartu dituzte bigarren lan honetan.